Basha në çadrën me protestues: Diçka e madhe po ndodh!
Duket se është krijuar një ambient disi interesant në mbrëmje në çadrën e protestuesve, ku demokratët po kënaqen me ritme romantike, por edhe me fjalime të liderit të tyre, Lulzim Basha.

I vendosur se do ti shkojë deri në fund qëllimit të kësaj proteste, kreu i PD-së, tha se ky është vetëm fillimi i një lëvizje popullore. “Fillimi i një lëvizje popullore, se kemi parë herë tjetër. Mund ta krahasoj me të para 27 viteve. Ndryshim i madh. Diçka e madhe po ndodh. Qytetarët e kanë kuptuar që kjo qeveri duhet rrëzuar. Kazua nuk është e PD, është e çdo shqiptari. Zgjedhje të lira dhe të ndershme”, tha Basha për mediat, ndërkohë që më herët ai ka shkruar edhe një status ku ka shpërndarë disa foto nga protesta qe ka nisur që mesditën e sotme.

“Protesta e sotme ishte një protestë thellësisht njerëzore, thellësisht qytetare. Nuk ka patur ndonjëherë më parë një protestë të tillë, kur forca nuk u kërkua tek dhuna por te drejtësia e kauzës. Ngrihemi Bashkë”, shkruan Basha. /Albeu.com/
Shtuar më 18/02/2017, ora 21:15

Shkruani komentin tuaj!
Të fundit nga kjo kategori