Basha insiston ta japë i pari lajmin e keq, thotë se BE ka refuzuar negociatat
Pëlqej
Kur na ndajnë vetëm pak ditë nga vendimi final për hapjen ose jo të negociatave për kryetari i opozitës Lulzim Basha vazhdon të cudisë duke dhënë lajme se Bashkimi Evropian nuk do t'i hapë negociatat me Shqipërinë.

Ai u shpreh sot për mediat se vendet e BE-se kane vendosur të refuzojnë hapjen e negociatave me Shqipërinë.

Sipas tij përkundër dëshirës së shqiptarëve dhe përpjekjes së opozitës, Bashkimi Europian vendos këtë javë që Shqipëria nuk i ka plotësuar kushtet.

“Kjo është gjëma që ka ndërtuar Edi Rama në Shqipëri, kjo është arsyeja pse këtë javë Bashkimi Europian përkundër dëshirës së 97% të shqiptarëve, punës që kemi bërë ne si opozitë, prapëseprapë vendos që Shqipëria nuk i ka plotësuar kushtet sepse kushti themelor është të ndërtojë një shtet të së drejtës dhe jo një shtet të drogës, jo një narkoshtet.

Kushti themelor është të ndërtojë një ekonomi me shanse të barabarta për të gjithë dhe jo një ekonomi të parave të pista të drogës ku 5 banda kriminale dhe 5 oligarkë kontrollojnë të gjithë ekonominë. Biznesi i vogël dhe i mesëm është në kolaps, profesionistët janë në arrati, mediat të kapura dhe rinia e pashpresë”, u shpreh Basha.

E megjithatë pavarësisht se ka këto pretendime, Basha nuk po përpiqet të shkojë e të lobojë për tu hapur negociatat por vazhdon të merret me Edi Ramën.


Shtuar më 25/06/2018, ora 13:58
Shkruani komentin tuaj!
Të fundit nga kjo kategori