Lulzim Basha është entuziast për fitoren e bashkisë së Tiranës, por megjithatë do të presë certifikimin e rezultatit nga Komisioni Qendror i Zgjedhjeve. Këtë gjë Basha e ka deklaruar vetë në një dalje publike, ku ka shtuar se më pas do të fillojë më projektet për kryeqytetin.

Pas shpalljes së rezultatit nga KQZ-ja, Basha falenderoi të gjithë qytetarët e Tiranës që i besuan votën e tyre ndërsa shtoi se në këto zgjedhje ka fituar demokracia.

“Duket qartë se ka shumë entuziazëm dhe unë nuk jam jashtë kësaj atmosfere.
Rezultati tregoi se 81 qytetarë më shumë votuan për mua. Por do të pres deri në përfundimin e procesit që do të përfundojë në plotësim me ligjin. Pasi të jenë shqyrtuar të gjitha kërkesat do të pres çertifikimin, më pas do të bashkohemi për ta çuar Tiranën përpara, ashtu si ajo e meriton” theksoi Basha. /albeu.com/