Basha: Ekonomia është zhytur në greminë
Nga qyteti i Kukësit, kreu i PD, Luzim Basha ka dhënë alarmin se ekonomia sipas tij, është zhytur në greminë dhe se gjëndja është më e keqe se dhjetë muaj më parë.

Basha ka vizituar tregun e qytetit, gjendja e të cilit sipas tij, lë për të dëshiruar. “Sot rikthehem pas 10 muajsh në tregun e qytetit dhe gjendja është edhe më e keqe. Ekonomia është zhytur në greminë, me taksat më të larta në Ballkan”, ka deklaruar Basha.

Kreu i opozitës ka nënvizuar se teksa qytetarët varfërohen, “një grup i vogël njerëzish të afërt me qeverinë po pasurohen përditë duke vjedhur”.

“Edhe Europa po e kupton keqqeverisjen e kryeministrit, që po e çon vendin drejt mjerimit”, ka thënë më tej Basha. /albeu.com/

Shtuar më 03/11/2015, ora 12:33

Shkruani komentin tuaj!
Të fundit nga kjo kategori