Azerbajxhanit do t’i dërgojë një notë proteste Shqipërisë p&
Albeu.com
Janë bllokuar 60 konteinerë që transportonin armë nga Shqipëria drejt Armenisë, gjë kjo që ka shtyrë Azerbajxhanin t’i dërgojë një Notë qeverisë shqiptare duke protestuar kundër këtij veprimi të ndaluar nga rregullat ndërkombëtare.Sipas rezolutës ndëkombëtare të OKB-së, asnjë shtet nuk mund të t’i shesë armë një shteti tjetër, nëse ai është në luftë.

Azaebajxhani, duke patur edhe mbështetjen e Turqisë, do ti dorëzojë Tiranës zyrtare ankimimin e saj lidhur me këtë çështje. Bllokimi I kontenierëve është bërë në kufirin turko-armen.

Nga ana tjetër, vetëm dy ditë më parë, Ministria e Mbrojtjes së Armenisë ka mohuar se ka kërkuar blerje artmësh nga Shqipëria. Autoritetet armene e kanë mohuar këtë çështje edhe pse ato shqiptare kanë deklaruar se “ngarkesa me 60 konteinerë ishte destinuar për në Armeni”. Ngarkesa u bllokua disa ditë më parë nga shteti turk, me arsyen se Turqia ka marrëdhënie konfliktuale me Armeninë.


Zëdhënësi I Ministrisë së Mbrojtjes armene Seyran Shahsuvaryan, në deklaratën e tij u shpreh se “Armenia nuk ka blerë kurrë armë nga Shqipëria dhe nuk ka ndërmend ta bëjë një gjë të tillë. Lajmi i përhapur nga agjencitë e informacionit është i gënjeshtërt nga fillimi deri në fund”. Por nga ana tjetër drejtori i kompanisë qeveritare MEICO, Ylli Pinari deklaroi pak ditë më parë për një media shqiptare se ngarkesa me armë të rëndë e bllokuar në kufirin turk, ishte destinuar pikërisht të shkonte në Armeni. “Nuk është ndonjë skandal. Problemet e Turqise me Armeninë bënë që armët të ktheheshin mbrapsht dhe ato janë shkarkuar në portin e Durrësit”, deklaroi presidenti i kompanisë shtetërore MEIKO që kryen tregtinë e armëve. Sipas tij, konfliktet që ekzistojnë mes Armenisë dhe Azerbajxhanit nuk janë problem i Shqipërisë.

“Nuk është problem i Shqipërisë, të gjitha procedurat janë në rregull dhe konform ligjit. Ne po shohim mundësinë për rrugë të tjera. Për Shqipërinë apo Ministrinë e Mbrojtjes apo firmën tonë tregëtia e armëve me Armeninë nuk përbën asnjë problem, sepse ndaj këtij shteti, nuk ka asnjë lloj embargoje, nga asnjë organizatë ndërkombëtare. Nëse do të kishte embargo, do të ishte bërë skandal ndërkombëtar”, shpjegoi Pinari. start
Shtuar më 28/07/2007, ora 16:31
Tage: arkiv
Shkruani komentin tuaj!
Të fundit nga kjo kategori