Atentati ndaj familjes shqiptare në Greqi, flasin djemtë që mbijetuan: Vrasësit janë nga Shqipëria!
Vrasësit janë shqiptarë”! Kështu janë shprehur në dëshminë e dhënë për hetuesit grekë dy vëllezërit shqiptarë që mbetën të plagosur dy net më parë në mes të Athinës, ndërsa babai i tyre Edmond Llangozi vdiq nga plumbat.

Anxhelo dhe Mihal Llangozi ndodhen në spital nën kujdesin e mjekëve, por ende nuk e kanë kaluar rrezikun.

Sipas Abcnews.al, mediat greke shkruajnë se dy vëllezërit kanë treguar si nisi sherri dhe kanë dhënë informacione mbi autorët.

Vrasësit ishin me origjinë shqiptare” kanë deklaruar dy të rinjtë, që arritën që të shpëtonin.

Policia ka mbledhur informacion të mjaftueshëm për pesë autorët dhe është afër identifikimit të tyre, thonë më tej mediat greke, që e cilësojnë bandën si mafie shqiptare dhe ngjarjen e lidhin me larjen e hesapeve.

Nga zjarri që hapën autorët mbeti e plagosur edhe një punonjëse e lokalit në Athinë, e cila po ashtu është shqiptare.
Shtuar më 13/01/2021, ora 23:28

Shkruani komentin tuaj!
Të fundit nga kjo kategori