Atentatet mafioze trondisin kryeqytetin
Dy vrasje kanë tronditur qytetin e Tiranës gjatë ditës së enjte. Ngjarja e parë është shënuar në Shkozë ku ka mbetur e vrarë Eleni Basho me profesion laborante nënë e dy fëmijëve. Ndërkohë që në vendin e ngjarjes nga policia janë gjetur tre gëzhoja pistolet 9 mm.

Ndërkohë që një ngjarje tjetër ka tronditur një zonë tjetër të kryeqytetit ku dy persona janë qëlluar në një atentat mafioz në zonën e “Komunën e Parisit”, Sipas policisë ka mbetur i plagosur Aleksandër Gocaj ndërsa Megi Jokiçi e plagosur në nofull ka ndërruar jetë në Spitalin Ushtarak.


Sipas Gazetës Shqiptare nga hetimet paraprake vajza ka qenë duke parkuar makinën e saj, në kohën ku persona të paidentifikuar kanë hapur zjarr nga një makinë, në drejtim të Aleksandër Gocajt dhe Genti Marës, ky i fundit i njohur si i dashuri i Ingrit Gjonit. Referuar burimeve konfidenciale mësohet se, Mara së bashku me Gocajn kanë qëndruar në një kazino pranë vendit të ngjarjes për mëse dy orë e më pas në kohën kur kanë dalë janë sulmuar nga persona ende të paidentifikuar. Mara ka arritur të shmanget duke i shpëtuar plumbave e më pas është larguar me shpejtësi nga vendi i ngjarjes. Ndërkaq, autorët e ngjarjes, të cilët udhëtonin me një mjet tip fuoristradë, pasi kanë qëlluar disa herë në drejtim të dy personave, janë munduar të largohen nga vendi i ngjarjes, por vetëm pak metra më pas, ata janë aksidentuar me një makinë, duke detyruar autorët që të braktisin makinën dhe të largohen në këmbë. /albeu.com/
Shtuar më 03/02/2012, ora 09:20

Shkruani komentin tuaj!
Të fundit nga kjo kategori