Momentet pikante në Slloveni, Rama “përplaset” me homologun holandaz: Futi ti, jo futu ti i pari! (VIDEO)

Kryeministri Rama gjendet sot në Samitin e Brdos në Slloveni.

Mbërritja e tij është shoqëruar me batuta dhe caste pikante pasi Rama është takuar me kryeministrin e Luksemburgut, Xavier Bettel, i cili la në mes intervistën për kryeministrin shqiptar.

Pastaj Rama takoi homologun e tij holandez Mark Rutte me të cilin ndodhi një moment I sikletëshëm para futjes në samit.

Rutte fton Ramën të futet i pari në godinë, por kjo gjë nuk pranohet nga kryeministri shqiptar i cili këmbëngul që të ishte homologu holandez, ai që futet i pari në godinë.

Pas disa sekondash “përplasje” para -pas,  në fund është Mark Rutte që dorëzohet dhe ecën i pari.

“Futu ti i pari”; “Jo, jo”; “Futu ti,”- dëgjohet në sfond.

Samit i Ballkanit Perëndimor në Slloveni mbahet në kuadër të rikonfirmimit dhe angazhimin e BE për procesin e zgjerimit dhe vendimet e marra rreth tij, bazuar në reformat e besueshme nga partnerët, në kushtëzimin e drejtë dhe rigoroz dhe në parimin e meritave të gjithsecilit”. /albeu.com/

 

 


Shtuar 6.10.2021 11:56