Teksa vijon vala e arrestimeve në lidhje me vjedhjen e energjisë elektrike, edhe ish-drejtori i "Qytetit Studenti" ka rënë në prangat e uniformave blu. Ish-drejtori i "Qytetit Studenti", Bujar Brovina është arrestuar sot, teksa akuzohet për vjedhje të energjisë.

Rasti i vjedhjes së energjisë prej tij është përmendur edhe nga ministri i Energjitikës në seancën e sotme plenare, pak para arrestimit të Brovinës.

"Bujar Brovina, eksponent i lartë i PD, drejtori i "Qytetit Studenti, me një vilë tre katëshe, me tre lidhje të paligjshme. Ja pra, një eksponent i PD, ish drejtues i lartë, ky është njeriu i cili ankohet se pse po i bie në qafë policia se ka tre lidhje të paligjshme dhe ky është ai i fashës, që paguan fashën se kanë disa sahatë, kanë disa lidhje. Po ky është halli i opozitës, jo i joni. Ne jemi me qytetarët e thjeshtë", ka deklaruar më tej Damian Gjiknuri. /albeu.com/