Arrestohet nga policia pas operimit ne Qendrën Spitalore Universitare "Nënë Tereza" në Tiranë ish-volejbollisti i kombëtares shqiptare, Arjan Korça. Nga stomaku i tij mjekët nxorën 30 qese me 250 gram kokainë.

Lënda e nxjerre pas operacionit i cilësuar si i cuditshem nga mjeket ka vënë ne lëvizje policine e kryeqytetit. Sipas policisë, rezulton se i arrestuari kishte dy javë që kishte ardhur nga Amerika e Jugut, konkretisht nga Argjentina, ku mendohet se ka gëlltitur qeset e mbushura me kokainë. Më pas, është nisur drejt Shqipërisë.

Por dhe pse ka dy javë që ka mbërritur në vendin tone, ish-volejbollisti nuk ka mundur të nxjerrë qeset me droge që ndodheshin në stomakun e tij. Vete i arrestuari ka pohuar se i ka gelltitur qeset me vullnetin e tij, ndersa u paraqit ne spital pas shqetesimeve te shumta ne stomak dhe dyshimit se qeset me kokaine mund te ishin care.

Policia ne bashkepunim me krimet e renda mesohet të kenë nisur tashmë hetimet për llojin e ri te trafikut drejt Shqipërisë.