Arrestohet avokati Gjin Marku
Policia e Lezhës arrestoi mbrëmjen e djeshme avokatin Gjin Marku. Burime zyrtare nga Drejtoria e Policisë së Shtetit bëjnë me dije se avokati nga Mamurrasiu arrestua me akuzën e ndikimit të paligjshëm ndaj personave që ushtrojnë detyra publike.

"Më datë 31.01.2017, u arrestua shtetasi në kërkim Gjin Marku, 51 vjeç, me detyrë avokat mbrojtës, banues në Fushë Mamurras, sepse Gjykata e Shkallës së Parë për Krimet e Rënda Tiranë, ka vendosur masën e sigurimit personal "Arrest në burg", për veprën penale "Ushtrim i ndikimit të paligjshëm ndaj personave që ushtrojnë funksione publike". Parashikuar nga Neni 245/1 i Kodit Penal"., - njofton Policia e Shtetit.

Gjin Marku është Kryetari i Shoqatës së Pajtimit të Gjaqeve, ndërkohë policia nuk bën më publike detaje që kanë të bëjnë me shkeljen ligjore që ka kryer avokati në fjalë. /Albeu.com/

Shtuar më 01/02/2017, ora 09:50

Shkruani komentin tuaj!
Të fundit nga kjo kategori