Arrestohet Anjeza Shabani, pronarja e kopshtit që dhunonte fëmijën 3 vjeçar
Pas hetimeve qe kishte nisur kryeprokurori i Tiranës Petrit Fusha, gjatë kohës që videoja ishte ende në transmetim n Tv Klan, Policia e Tiranes këtë mesnatë ka arrestuar Anjeza Shabanin, pronaren e kopështit privat, e cila u filmua duke rrahur një femijë 3 vjeç.

"Pas publikimit të videos në datë 20 Qershor 2016 nga emisioni investigativ "Stop", TV Klan, ku u shfaqën pamje të ushtrimit të dhunës ndaj një fëmije të mitur 3 vjeç në një kopsht privat në zonën e Saukut Tiranë, policia sqaron se u identifikua shtetesja e shfaqur në video (edukatorja) e kopshtit, njëkohësisht administratore e këtij kopshti privat. Specialistët e Drejtorisë Vendore të Policisë Tiranë arrestuan shtetasen Anjeza Husha, 33 vjeçe, banuese në Tiranë.

Materialet proceduriale në ngarkim të kësaj shtetaseje u referuan në Prokurorinë pranë Gjykatës Shkallës së Parë Tiranë për veprat penale "Keqtrajtim i të miturve" parashikuar nga Neni 124/b i Kodit Penal dhe "Shpërdorim i detyrës" parashikuar nga Neni 248 Kodit Penal", thuhet në njoftimin e Policisë. /albeu.com/
Shtuar më 21/06/2016, ora 00:26

Shkruani komentin tuaj!
Të fundit nga kjo kategori