Arrestohen 4 protestues në Fier, 41 te tjerë procedohen të lirë
Policia e qytetit të Fierit ka vënë në pranga 4 persona dhe ka nisur procedimin për 41 persona, pasi ditën e djeshme morën pjesë nw protestw dhe kanë mbajtur të bllokuar rrugën duke penguar lëvizjen e lirë të mjeteve.

Në pranga ranë H.H, 59 vjeç, – G.B, 56 vjeç, – B.J, 56 vjeç dhe B.Xh, 56 vjeç, të katërt banues në Roskovec. Gjithashtu janë proceduar në gjendje të lirë edhe 41 shtetas të tjerë për veprën penale “Organizimi dhe pjesëmarrja në grumbullime dhe manifestime të paligjshme”.


Njoftimi:

Policia arreston në flagrancë 4 shtetas si dhe procedon penalisht në gjendje të lirë 41 shtetas të tjerë, të cilët gjatë ditës së djeshme kanë marrë pjesë në grumbullime të paligjshme dhe kanë mbajtur të bllokuar rrugën duke penguar lëvizjen e lirë të mjeteve.

Specialistët për Hetimin e Krimeve në Komisariatin e Policisë Fier, arrestuan në flagrancë për veprat penale "Pengimi i qarkullimit të mjeteve të transportit" dhe "Organizimi dhe pjesëmarrja në grumbullime dhe manifestime të paligjshme", shtetasit:

- H.H, 59 vjeç, banues në Patos
- G.B, 56 vjeç, banues në Patos
- B.J, 56 vjeç, banues në Patos
- B.Xh, 56 vjeç, banues në Roskovec.

Janë proceduar në gjendje të lirë edhe 41 shtetas të tjerë për veprën penale "Organizimi dhe pjesëmarrja në grumbullime dhe manifestime të paligjshme".

Vazhdon puna për identifikimin dhe vënien përpara përgjegjësisë ligjore edhe të personave të tjerë, të cilët kanë marrë pjesë në këto grumbullime të kundraligjshme.

Materialet i kaluan Prokurorisë pranë Gjykatës së Shkallës së Parë Fier për veprat penale "Organizimi dhe pjesëmarrja në grumbullime dhe manifestime të paligjshme" dhe "Pengimi i qarkullimit të mjeteve të transportit".
Shtuar më 09/03/2019, ora 10:15

Shkruani komentin tuaj!
Të fundit nga kjo kategori