Një 55-vjeçar në Turqi u përpoq të përfitonte nga kaosi i shkaktuar nga tërmeti vdekjeprurës që ka shkatërruar vendin dhe ka vrarë gjithsej 40,000 njerëz për të rrëmbyer një foshnjë nga një spital.
Burri u shfaq në pritjen e një spitali privat në qytetin e Samandag, ku tha se ishte një ish-oficer policie dhe kërkoi t’i jepnin një fëmijë, emrin e të cilit ai përmendi, raporton Anadolu Agency.
Në një video prej 20 sekondash të publikuar nga agjencia turke e lajmeve, shihet një burrë me një këmishë ngjyrë të errët, dukshëm i mërzitur, duke kërkuar t’i jepet foshnja, përpara se të dëgjohen britmat dhe të ngrihet alarmi.
The person who tried to take a baby from the hospital in Samandağ, Hatay with a fake police identity, was noticed and caught by the people in the hospital.#Turkey #TurkeyEarthquake #Turkiye #TurkeySyriaEarthquake #TurkeyQuake #earthquake #earthquakeinturkey #earthquakes pic.twitter.com/FheYFIvdzQ
— Srinivasan (@icanmake2) February 15, 2023
Burri u arrestua, ndërsa policia i gjeti disa letra të rreme ID dhe një shumë të konsiderueshme parash: 53,000 lira turke, afërsisht 2,600 euro. I dyshuari gjithashtu kishte një armë me dy karikatorë dhe 42 fishekë në makinën e tij, sipas televizionit NTV. Ministria turke e familjes njoftoi dje se 1396 fëmijë të pashoqëruar janë regjistruar në zonat e prekura nga tërmeti. Prej tyre, 508 u janë dorëzuar familjeve të tyre. /albeu.com
