Armë, euro e florinj, lezhjani e pëson pas kontrollit në makinë (VIDEO)
Pëlqej
Policia ka vënë në pranga një të ri pasi në makinën e tij gjatë kontrollit janë zbuluar armë, bizhuteri, e sasi të mëdha eurosh me vete.

Në pranga ka rënë shtetasi Roan Brahimi, 26 vjeç, banues në Lezhë.

Këtij shtetasi i jane sekuestruar armë, municione, Euro dhe bizhuteri të dyshuara nga veprimtaria kriminale e vjedhjes.

Njoftimi i plotë

Nga forcat policore të Komisariatit të Policisë Lezhë në bashkëpunim me F.N.SH. Shkodër, në vijim të punës për goditjen e veprimtarive kriminale dhe vendosjen e autorëve para përgjegjësisë ligjore, janë ushtruar kontrolle Blic në territor, ku si rezultat i tyre u sekuestruan :

– Një armë zjarri pistoletë Bereta me një krehër me 15 fishekë

– 14.600 Euro

– Një sasi bizhuterishë

Këto materiale u sekuestruan gjatë kontrollit të mjetit tip Lancia që drejtohej nga shtetasi i arrestuar, si dhe dyshohet të jenë të përfituara nga veprimtaria kriminale e vjedhjes.

U arrestua në flagrancë shtetasi i dyshuar si posedues i tyre, Roan Brahimi, 26 vjeç, banues në Lezhë.

Në ngarkim të tij veprat penale "Prodhim dhe mbajtje pa leje e armëve luftarake dhe municionit" , "Vjedhja", “Përvetësimi i parave ose mallrave që rrjedhin nga vepra penale ose veprimtaria kriminale” parashikuar nga nenet 278, 134 dhe 287/b i Kodit Penal.

Materialet proçedurale u referuan Prokurorisë së Rrethit Gjyqësor Lezhë për veprime të mëtejshme. /albeu.com/


Shtuar më 16/05/2018, ora 09:38
Shkruani komentin tuaj!
Të fundit nga kjo kategori