Arjan Ferracakun e ekzekutuan disa amatorë, detaji që i nxorri zbuluar
Pëlqej
Vrasja e biznesmenit Arjan Ferracaku mbi kalë në Shkodër, ka mobilizuar katër oficerë nga struktura “Forca e Ligjit” në Tiranë dhe dy prokurorë në Shkodër, të cilët janë duke kryer një sërë veprimesh me imtësi, me qëllim dhe shpresën e identifikimit të autorëve të këtij krimi që tronditi Shkodrën.

Nga analizimi i një sërë provash dhe materialesh të sekuestruara në vendin e ngjarjes, është arritur në konkluzionin se dy personat që kanë qëlluar me automatik, nuk kanë qënë profesionistë, kjo për shkak se në vendin ku kishin ngritur pritën kanë lënë shumë prova, që konsiderohen të vleshme për prokurorinë dhe policisë.

Gjatë hetimeve, prokurorët kanë konstatuar se pas ekzekutimit në ikje e sipër autorët kanë haruar në vendgjarje dhe një karrikator automatiku të mbushur plot me fishekë, shkruan Shqiptarja.com.

30-vjecari u qëllua me breshëri kallashnikovi ndërsa ndodhej në zonën e Livadeve pranë Liqenit të Shkodrës për të bërë stërvitje me kuaj bashkë me rreth 5-6 persona të tjerë.
Shtuar më 20/09/2018, ora 15:10
Shkruani komentin tuaj!
Të fundit nga kjo kategori