Arditi nuk ishte i vetmi që humbi jetën në Landfillin e Sharrës
Ardit Gjoklaj nuk është i vetmi, që ka gjetur vdekjen në Landfillin e Sharrës. Televizioni “ABC News” ka siguruar dosjen e prokurorisë, ku është evidentuar vdekja e 47¬vjeçares Mirvete Duka brenda landfillit në Sharrë më 25 nëntor të 2015 nga fadroma që kishte për detyrë shtypjen e mbeturinave.

Sipas këtij materiali, përgjegjës për vdekjen e 47¬vjeçares është Kasem Koçi, i cili do të gjykohet nga gjykata e Tiranës për akuzën e “shkeljes së rregullave të mbrojtjes në punë” me pasojë vdekjen e shtetases Mirvete Duka.

Ngjarja për të cilën akuzohet Koçi ka ndodhur mesnatën e datës 25 nëntor brenda landfillit, kur ka goditur dhe shtypur me fadrom shtetasen 47 vjeçare e cila po mblidhte hekurishte. Në dosje thuhet se shoferi i fadromës ka marrë punën në 21:00 të darkës dhe punonte deri në 03:00 të mëngjesit.

Ai kishte për detyrë shpërndarjen dhe shtypjen e mbeturinave që sillnin kamionet nga Tirana. Gjatë punës, Koçi ka pretenduar se para kishte punëtor që selektonin mbeturinat për të cilat kishte fushepamje. Ndërsa nga pas nuk i shihte punëtorët që mblidhnin apo selektonin mbeturina.

Në këtë kohë, në ora 00:15 thuhet në dosje ai ka dëgjuar të bërtiturat e një gruaje tjetër, ku ka ndalur mjetin dhe ka konstatuar se kishte shtypur një shtetase, për të cilin ka njoftuar menjëherë policinë.

Nga verifikimet e kryera, thuhet në dosjen e prokurorisë. Mirvete Duka nuk ishte punonjëse e lnadfillit të Sharrës dhe kishte hyrë fshehurazi brenda rrethimit për të mbledh hekurishte. Për pasojë, është shtypur nga fadroma që shpërndante mbeturinat në landfillin e Sharrës.

Dosja ndaj të pandehurit Kasem Koçi pritet të hidhet në short për të caktuar gjyqtarin që do të shqyrtojë çështjen në fillim të muajt shtator./Albeu.com/
Shtuar më 01/09/2016, ora 23:40

Shkruani komentin tuaj!
Të fundit nga kjo kategori