Kryeministri Sali Berisha ka firmosur sot vendimin për emërimin e ish-kryetarit të Komisionit Qendror të Zgjedhjeve, Z. Arben Ristani si zëvendësministër të Brendshëm.

Vendimi për emërimin e Ristanin si zv. ministër i Brendshëm është marrë sot në mbledhjen e Qeverisë, ndërsa është konfirmuar nga kryeministria vetëm disa minuta më parë.

Para disa ditësh, kryeministri Berisha pati deklaruar në parlament se do ta kishte Ristanin pranë vetes në betejat e ardhshme.

“Ka patur mirëkuptimin tim kur vendosi të mos kandidojë për faktin se ishte i pari kryetar i KQZ që zgjidhej me konsensusin e të gjithë forcave politike. Për arsye të caktuara Partia Socialiste i hoqi konsensusin dhe Ristani deklaroi se nuk do ishte më për kandidat për në kreun e KQZ. Iu garantoj se në krahun tim do e keni në gjithë betejat e ardhshme”, pati deklaruar Berisha në parlament. /albeu.com/