Forumi civil i udhëhequr nga ish-presidenti, Alfred Moisiu me pjesëmarrjen e konstitucionalistëve, analistëve e shoqërise civile kanë përpiluar një rezolutë ku i kërkojnë Kuvendit të mos nxitojë me ndryshimet kushtetuese.


Duke konsideruar një gabim fatal 2008-ën, ata propozojnë në këtë dokument: të merret mendimi i ekspertëve për ndryshimet kushtetuese, të vijnë në përputhje me nenet e tjera të Kushtetutës dhe me Kodin e Procedures Civile, dhe të shihen në këtë ndërhyrje edhe çështje të tjera, perveç imunitetit, ku ish-presidenti Moisiu përmendi ndryshimin e mënyrës së zgjedhjes së presidentit.

"Në fakt tek neve Kushtetuta, më falni për shprehjen, po kthehet gati në një leckë. Nëse do të arrihet në përfundimin se do të duhet të ndërhyhet në Kushtetutë, atëherë duhen parë të gjitha çështjet që duhet t'i nënshtrohen ndryshimeve përkatëse dhe të tilla ka: Problemi i zgjedhjes së presidentit në vendin tonë", deklaroi Mosiu.

Ndërsa konstitucionalisti Luan Omari deklaroi se rrezikon të përsëritet historia e vitit 2008, histori e dëmshme dhe e turpshme, ndërsa faji sipas tij nuk është vetëm i qeverisë por i të dy palëve. Ndëkohë që konstitucionalistja
Aurela Anastasi tha se nuk duhet trajtuar njësoj imuniteti i parlamentarëve dhe i gjyqtarëve duke argumentuar. /albeu.com/