Apeli lë në fuqi vendimin për ekstradimin e Prudentinos
Albino Prudentino
Gjykata e Apelit në Vlorë ka lënë në fuqi vendimin e shkallës së parë për ekstradimin e bosit të organizatës mafioze “Sacra Corona Unita” Albino Prudentino. Trupi gjykues, pasi ka shqyrtuar ankimimin e Prudentinos dhe avokatit të tij ka vendosur të lërë në fuqi vendimin për ekstradimin. Vendimi i formës së prerë është marrë gjatë seancës së djeshme, ndërkohë që ende nuk ka një datë konkrete për ekstradimin e Prudentinos.

Burime nga kjo gjykatë bëjnë të ditur se bosi i organizatës italiane pritet të ekstradohet brenda pak ditësh drejt shtetit fqinj. Ishte gjykata e shkallës së parë në Vlorë e cila vendosi pak ditë më parë të marrë parasysh kërkesën e drejtësisë italiane për ekstradim dhe gjykim të Prundetinos në vendin e tij.

Prudentino akuzohet nga gjykata e Leces për bashkëpunim kriminal mafioz, trafik droge dhe grabitje në rrethana rënduese.
Shtuar më 22/12/2010, ora 17:08
Shkruani komentin tuaj!
Të fundit nga kjo kategori