Apeli lë në burg Inspektoren e Përgjithshme të Bankës së Shqipërisë
Pëlqej
Mesditën e sotme, Gjykata e Apelit ka lënë në fuqi masën e sigurisë "arrest me burg" për Inspektoren e Përgjithshme të Bankës së Shqipërisë, Elivar Golemi.

“Kundërshtoj arrestimin dhe akuzat, gjithçka ka ndodhur pa prezencën time. Kjo është hera e parë që më jepet mundësia të flas. Shpreh kundërshtitë për akuzat që më janë ngritur dhe arrestimin”, ka deklaruar Golemi, në seancën gjyqësore.

Në seancën e zhvilluar në Apel, ajo e ka cilësuar të paligjshëm arrestimin e saj, ndërsa ka pohuar se në bazë të ligjit duhet të raportonte çdo 3 muaj përpara Këshillit Mbikqyrës, gjë që e ka bërë.

Sipas avokatit mbrojtës të Golemit, “lirimi i shtetases në hetim nuk cënon provat, ndërkohë që Golemi ka depozituar në Prokurori të gjitha dokumentacionet e kërkuara”. Trupa gjykuese ka vendosur të lërë në fuqi masën “Arrest me burg” për kryeinspektoren Elivar Golemi. Më herët, Gjykata e Apelit vendosi të lërë në "arrest shtëpie" punonjësin e BSH-së, Ilir Dedja, i cili akuzohet për “Shpërdorim detyre”. /albeu.com/


Shtuar më 15/09/2014, ora 13:33
Shkruani komentin tuaj!
Të fundit nga kjo kategori