Ndërhyrjet e vazhdueshme të ambasadorit amerikan në Shqipëri për çështje të ndryshme, janë ironizuar nga ish-deputeti socialist, Andis Harasani që tashmë jeton jashtë. Përmes një postimi në Facebook, Harasani shkruan: “Po ky ambasadori i Shqipërisë në Washington pse nuk ndërhyn që Republikanët dhe Demokratët në SHBA të bashkëpunojnë? Nuk është mirë që vetëm Ambasadori I SHBA-ve në Tiranë të punojë”. Konflikti në kongres midis republikanëve dhe demokratëve, ka sjellë bllokimin e mjaft nismave, midis tyre edhe emërimin e ambasadorëve të rinj të SHBA-ve për disa vende të ndryshme. Ky debat, është edhe shkaku I vonesës së emërimit të ambasadorit të ri amerikan në vendin tonë. /Albeu.com/