Anashkalohet rasti i Sopotit dhe moszbatimi i ligjit per amnisti
Albeu.com
Deputeti i BDI-së Adnan Jashari shprehu revoltën për mos përfshirjen e rastit të Sopotit dhe moszbatimin e ligjit për amnisti, në raportin vjetor të Këshillit Gjyqësor Republikan (KGJR) që u diskutua sot në parlament.Sipas tij, këshilli ka për obligim të bëjë vlerësimin e zbatimit të ligjeve nga ana e gjykatësve. Jashari përsëriti qëndrimin se ligji për amnisti në Maqedoni, nuk po zbatohet aspak dhe kërkoi nga numri ‘një’ i këshillit që të ndërmarrë hapa konkrete për këto dy çështje.
“E di që kompetencë e këtij këshilli është që të vlerësoj punën e gjyqtarëve në lidhje me zbatimin e të drejtës respektivisht zbatimin e ligjeve të caktuara kurse për momentin kur është fjala për këtë ligj mendoj se ligji për amnisti në Maqedoni aspak nuk respektohet veçanërisht nga gjykatat të caktuara respektivisht nga pushteti gjyqësor. Nuk e kam të ende të qartë se pse kjo punë nuk po ndodh, pse ligji për amnisti nuk zbatohet respektivisht cili, çka është intenca, qëllimi I strukturave të caktuara përmes mos zbatimit të këtij ligji. Ligje të caktuara nuk zbarohen edhe në lidhje me rastin e Sopotit”, deklaroi Adnan Jashari, deputet i BDI-së.
Por kryetari Gërçev nuk deshi të komentojë rastet në fjalë me arsyetimin që të mos i jepen dimensione të caktuara politike.
“Sa i përket vërejtjeve për rastet e caktuara që deputeti i theksoi, nuk dëshiroj të komentoj pasi këshilli gjyqësor insiston të qëndrojë anash nga ngjarje të caktuara, jo që ne nuk kemi qëndrim por të mos u jepen dimensione të caktuara politike që me të vërtetë janë mjaft prezente”, tha Vasill Grçev, kryetar i KGJR-së.
Raportin në fjalë e kritikoi edhe opozita, pasi konsideroi se shumë raste mungojnë për të cilat opinion është i interesuar të dijë përfundimet dhe arsyetimet rreth ture. Gjatë debatit të sotëm parlamentar deputetët e opozitës por edhe të shumicës kërkuan pavarësimin e gjyqësorit. (alsat-m)
Shtuar më 07/06/2010, ora 22:31
Tage: arkiv

Shkruani komentin tuaj!
Të fundit nga kjo kategori