Analistet : Shqiptaret s'kane cka te dalin ne referendum
Albeu.com
Profesori i së drejtës kushtetuese, Osman Kadriu thekson se referendumi është një çështje diskutabile, dhe një “Kuti e Pandorës”, që mund të hap edhe çështje dhe iniciativa dhe provokime të reja.
Qarqet intelektuale dhe të analistëve shqiptarë janë shprehur kundër idesë së referendumit, për shkak se sipas tyre, ky vendim vetëm se do të dëmtojë të ardhmen e vendit dhe se shqiptarët nuk do të fitojnë asgjë nga ky referendum.

Por nga ana tjetër, janë shtuar zërat se një referendum i tillë, mund të provokojë edhe referendume të tjera, të cilat do të inicohen nga subjekte të ndryshme politike dhe shoqata joqeveritare, për ndryshime juridiko-kushtetuese në Maqedoni dhe për ndryshime të tjera politike në vend, që mund të jenë provokim për të ardhmen e vendit.

Profesori i së drejtës kushtetuese, Osman Kadriu thekson se referendumi është një çështje diskutabile, dhe një “Kuti e Pandorës”, që mund të hap edhe çështje dhe iniciativa të reja, që për ndonjë pale nuk do të jenë të këndshme, por edhe për të ardhmen e vendit. “Kjo çështja e referendumit është e saktësuar me kushtetutë dhe çdo vendim që del nga ai, pastaj është i domosdoshëm dhe tejet obligativ”, ka theksuar Kadriu.

Sipas tij, partitë politike shqiptare rreth këtij referendumi duhet të marrin qëndrim unik dhe të njoftohet popullata shqiptare, sepse përndryshe do të jetë një përgjegjësi kapitale dhe historike.

“Jam i mendimit se nuk ka nevojë që të dilet në referendum. Por gjithashtu shqiptarët nga kjo nuk fitojnë asgjë dhe andaj nuk ka nevojë ata të mbështesin atë”, ka theksuar Kadriu.

Analisti dhe publicisti Avni Halimi thekson se shqiptarët nuk kanë nevojë të diskutojnë apo të jenë pjesë e një referendumi, që vjen si propozim kokë më vete nga kryeministri Nikolla Gruevski. “Pse të votohet në këtë referendumit, për të cilin tha Gruevski është pjesë e programit të VMRO-DPMNE. Cila është pjesa e shqiptarëve këtu. Në këtë situatë, shqiptarët duhet të mendojnë për kundërpërgjigje të saktë dhe unike rreth kësaj çështje, për t’iu përgjigjur provokimit me provokim”, ka theksuar Halimi. Ai ka theksuar se a thua vallë cili politikan apo parti shqiptare në këtë rast do të bëjë thirrje në referendumin e Gruevskit.

“Cili lider shqiptar do të ngritet për të sensibilizuar opinionin shqiptarë në të mirë të maqedonasëve të cilët pa rreshtur dhe në mënyrë permanente shkelin, degradojnë dhe mohojnë identitetin kombëtar shqiptarë.Emri i ri i këtij shteti asgjë nuk do të thotë pas zgjidhjen e të gjitha kontesteve të shqiptarëve në Maqedoni”, ka theksuar publicisti Avni Halimi. Edhe një pjesë e analistëve dhe politikanëve maqedonas janë deklaruar hapur kundër referendumit të shpalosur tashmë nga kryeministri Nikolla Gruevski. (ina)
Shtuar më 02/11/2009, ora 17:02
Tage: arkiv
Shkruani komentin tuaj!
Të fundit nga kjo kategori