Amnistia e fundvitit, ja sa të dënuar do të përfitojnë
Ministria e Drejtësisë ka nisur punën për hartimin e një drafti për aministinë e të dënuarve.

Nga ky institucion nuk ka ende një njoftim zyrtar, por paraprakisht do të jenë 400-500 të dënuar që pritet të përfitojnë.

Kategoritë më të favorizuara janë personat e dënuar me burg deri në 2 vjet, të dënuarit me kusht apo me dënime të tjera alternative.

Në momentin që amnistia do të hyjë në fuqi, do të përfitojnë femrat e dënuara që janë 50 vjeç e sipër dhe meshkujt baras dhe mbi 60 vjeç.

Amnistia e fundvitit pritet që të normalizojë edhe situatën në burgjet shqiptare për shkak të mbipopullimit, gjë që në fakt do të ulë edhe shpenzimet për këto institucione të vuajtjes së dënimit./Albeu.com/
Shtuar më 22/11/2016, ora 10:00

Shkruani komentin tuaj!
Të fundit nga kjo kategori