Një 32-vjeçar shqiptar ka ndërruar jetë në Itali. Viktima është Fatjon Garxenaj.
Sipas medieve vendase 32-vjeçari ndërroi jetë pas një aksidenti me parashutën e tij.
Ngjarja e rëndë ndodhi në kufirin midis provincave Forlì dhe Ravenna ku Fatjon Garxenaj po fluturonte së bashku me instruktorin e tij 69-vjeçar.
Të dy ata humbën jetën pas rrëzimit të parashutës, shqiptari Fatjon Garxenaj 32-vjeç me origjinë shqiptare, me banim në Riolo Terme, Ravenna dhe instruktori Bernardino Panzacchi, 69 vjeç, nga Pianoro .
Sipas informacioneve paraprake dyshohet se shkak i akaidentit të ketë qenë një defekt teknik që shkaktoi humbjen e papritur të kontrollit dhe për pasojë i mori jetën dy personave.
Garxenaj jetonte në Itali me partneren e tij, ndërsa ishte i punësuar si saldator në firmën Castel Bolognese për më shumë se 7 vjet./albeu.com/