Aldo Bare kërcënon dëshmitarin: Do të vras
Seanca e zhvilluar ditën e sotme në ngarkim të Aldo Bares, kreut të Bandës së Lushnjës është shoqëruar me debate të shumta.

Gjatë dëshmisë së Fatmir Taullahut në sallën e gjyqit, Aldo Bare e ka kërcënuar atë me vdekje. Taullahu do të dëshmonte në seancë për vrasjen e të vëllait nga “Banda e Lushnjës”.

Kërcënimi u bë në nisje të seancës, ndërkohë që gjyqtarja Fatmira Hajdari ka kërkuar që Bare të nxirret nga salla. Aldo Bare ose siç njihet ndryshe Alfred Shkurti akuzohet për një sërë veprash penale, “vrasje me paramendim" të disa shtetasve, "vrasje me paramendim të mbetur në tentativë të shtetasit Artur Daja, Gramoz Selmani dhe Masar Aliu”, "mbajtjes pa leje të armëve luftarake", "shkatërrimit të pronës me zjarr" të banesës së shtetasit Shkëlqim Haxhiu, "krijimit të Organizatës kriminale" dhe të "Kryerjes së veprave penale nga organizata kriminale".

Dyshohet se krimet, Bare i ka bërë gjatë vitit 1997 dhe më pas. Ai u arratis nga Shqipëria për rreth 10 vjet. Alfred Shkurti kërkohej nga drejtësia shqiptare për një sërë vrasjesh. Bare është ekstraduar në muajin nëntor të vitit të kaluar nga Turqia.
Shtuar më 29/09/2010, ora 18:12

Shkruani komentin tuaj!
Të fundit nga kjo kategori