Disa plazhe të njohura në Sidnei janë mbyllur pasi peshkaqenët sulmuan një delfin në ujërat afër qytetit.
Të paktën dy peshkaqenë dema u vunë re në zonën Shelly Beach, në veri të Sidneit, pas sulmit dhe autoritetet mbyllën të gjitha plazhet aty pranë si një masë paraprake.
Delfini i plagosur shkoi deri në ujërat e cekëta, por më në fund vdiq.
Manly Open Surf, një karnaval që po zhvillohet në plazh gjatë fundjavës, është pezulluar. Qindra njerëz ishin gati të konkurronin në festival.
Rojet e shpëtimit nxorën njerëzit nga uji pas sulmit, i cili ndodhi rreth orës 07:00 me orën lokale të së shtunës.
Tracey Hare-Boyd, një zëdhënëse nga Surf Life Saving New South Wales, tha se, për fat, asnjë person nuk ishte lënduar apo përfshirë në sulm. /albeu.com
