Akuzat e Ponit, kundërpërgjigjet Bashkia e Tiranës
Pëlqej
Florian Serjani
Në kundërpërgjigje të akuzave të zv/ministrit të Brendshëm Ferdinand Poni, për mungesën e zbukurimeve festive në Tiranë për 28 nëntorin, Bashkia e Tiranës tha sot se ka pasur pengesa nga policia e shtetit.

Bashkia ka vendosur cdo vit flamuj për festat e nëntorit, por këtë vit ka hasur në rezistencën e policisë, e cila nuk lejonte heqjen e banderolave blu të qeverisë, nga shtyllat”, tha zëdhënësi i bashkisë i cili akuzat e Ferdinand Ponit i cilësoi shpifje.

“Flamujt kuq e zi u vendosen nga bashkia me banderolat, kjo për të shmangur cdo incident në rrugë e keqkuptim në publik. Si cdo vit, Poni doli dhe përseriti akuzën e festave. Poni ka disa kallëzime për shpifje nga ana jonë do të kallëzohet edhe për këtë shpifje. Kjo është përpjekja e Sali Berishës për të ndotur 29 nëntorin me makinën e baltës. Berisha ka dështuar me integrimin dhe zhvillimin europian të vendit”, deklaroi Bashkia.

Sipas saj, balta e Berishës edhe sot është shprehja e këtij dështimi. “Berisha nuk e mbulon dot me dështimin ndaj duhet edhe ditët e festave për luftën me opozitën”- tha zëdhënësi i Bashkisë.
Shtuar më 29/11/2010, ora 17:17
Shkruani komentin tuaj!
Të fundit nga kjo kategori