E FUNDIT/ Zhbllokohet sfida, Inter-Atalanta (VIDEO)
Akuza e fortë e PD-së: Pacientët po trajtohen në ambulanca, situata ka dalë jashtë kontrollit
Ish-deputeti i PD, Bardh Spahia thotë se qeveria nuk ka marrë asnjë masë konkrete për të përballuar pandeminë dhe se pacientët po trajtohen në ambulanca.

Sipas tij kjo humbje kohe për të marrë masat që PD i ka propozuar, por edhe paafatësia po i kushtojnë jetë njerëzish.

Reagimi i Bardh Spahisë

HUMBJA E KOHËS PËR PAAFTËSI DHE MAKUTËRI PO KUSHTON JETË!

Sa më shumë rëndohet gjendja, aq më shumë shtohet propaganda kriminale e qeverisë në ikje me spitalet.

Edi Rama dhe Ogerta Manastirliu nuk pranojnë se në spitalet covid nuk ka vende, se të sëmurët po trajtohen në ambulanca per shkak të hajdutërisë, paaftësisë dhe keqmenaxhimit të tyre, por flasin për plane në 3D për spitale rajonale.

8 muaj pasi PD, ka kërkuar hapjen e spitaleve rajonale për të sëmurët me COVID, pas qindra jetëve të humbura nga mosmarrja në kohë e ndihmës, Ministrja e Shëndetësisë flet tani për zbatimin e kësaj mase jetike.

Vetëm FLET. Vetëm plane në 3D. Asnjë PUNË. Asnjë masë konkrete, asnjë plan të vërtetë, që qytetarët të mos mbeten me orë të tëra në pritje të një krevati në spital.

Edi Rama dhe Ogerta Manastirliu na humbën 8 muaj kohë dhe po humbim akoma më shumë me propagandën e tyre kriminale.

Spitalet rajonale janë të papërgatitura, sepse nuk ka një plan për aktivizimin e tyre e as janë bërë trajnimet e posaçme!

Centralizimi i përballjes vetëm në Tiranë është skandaloz dhe kosto direkte për shëndetin e qytetarëve. I njëjti centralizim tek dy spitalet Covid (i treti është vetëm si hotel, që ka vetëm krevate por jo pajisje) ka bërë që mjekët e familjes të mos shfrytëzohen në këtë situatë mbingarkese.

Paaftësia dhe makutëria veç për koncesione e tendera e qeverisë në ikje të Edi Ramës po u kushton shqiptarëve gjënë më të shtrenjë, jetën!

Shtuar më 10/11/2020, ora 10:46

Shkruani komentin tuaj!
Të fundit nga kjo kategori