Aktori i madh Ndriçim Xhepa në gjendje të rëndë shëndetësore

Pëlqej
Ai është padyshim një ndër ikonat e skenës shqiptare, me qindra role të spikatura në film dhe në teatër, ai është i madhi Ndriçim Xhepa.

Por aktori i madh i skenës gjendet në gjendje të rëndë shëndetësore. Mësohet se sëmundja e rëndë po i rrezikon seriozisht shëndetin, dhe kurat për të janë shumë të shtrenjta.

Kush është Ndriçim Xhepa dhe karriera e tij?

Ndriçim Xhepa lindi më 21 janar 1957 në Tiranë. Pas mbarimit të studimeve për aktor, në Akademinë e Arteve, me 1979, fillon punën si aktor i Teatrit Kombëtar.

Ka interpretuar rreth 40 role, nga te cilët veçohen ato në “Prometeu” te Eftimiut, “Në jetë" të Dh. Xhuvanit, “Monserrati” te Roblesit, “Vdekja e një komisioneri” të Milerit, “Nën dritat e skenës”, “Nesër është vonë” dhe “Shkallet” të R. Pulahës, “Nata e dymbëdhjetë” dhe “Romeo e Xhulieta” të Shekspirit, “Fernando Krafi me ka shkruar ketë letër” të Dorstit, me të cilën fiton Çmimin “Aleksandër Moisiu” për Aktorin më të Mirë në Festivalin Kombëtar të Teatrit, të vitit 1995, “Vdekja e Dantonit” të Byhnerit, “Nata e trokitjeve në xhama” të Dh. Anagnostit, “Vdekja dhe virgjëresha” të Dorfmanit, “Portreti i Dorian Greit” të Uajlldit dhe “Kapitulli i Dytë” të Sajmonit, me të cilin fiton Çmimin për Aktorin më të Mirë në Festivalin Mbarëkombëtar të Aktrimit, “Apollon 2004”, në Fier. Që nga viti 1988 është pedagog i jashtëm në Akademinë e Arteve, në Fakultetin e Artit Skenik.

Në vitet ’90 interpreton role protagoniste edhe në produksione te pavarura si “Kujdes! Kafshon…” të Gernit, “Mbretëresha e bukur” të Mc. Donagh, “Nesër nisemi për në parajsë” të T. Dervishit dhe “Tradhëti bashkëshortore” të Pinterit. Ndërsa në Teatrin e Kombësive të Shkupit ka interpretuar në “Mbretin Lir” të Shekspirit.

Aktivizohet me sukses në rreth 30 filma, nga të cilët veçohen “Shokët” i K. Çashkut, “Kohë e largët”, “Treni niset në shtatë pa pesë” dhe “Përdhunuesit” të S. Pecanit, “Duaje emrin tënd” dhe “Telefoni i një mëngjesi” të I. Muçajt e K. Mitros, “Hije që mbeten pas” i E. Musliut “Flutura në kabinën time” dhe “Dasma e Sakos” të V. Priftit, “Kthimi i Ushtrisë se Vdekur” i Dhimitër Anagnostit, “Unë e dua Erën” dhe “Porta Eva” të A. Mingës, “Plumbi prej plasteline” i A. Minarollit dhe “I dashur Armik” i Gj. Xhuvanit. Aktualisht po xhiron filmin “Lutja e dashurisë”, me regjisor A. Minarolli dhe Y. Aliçka. /albeu.com/









Shtuar më 13/10/2017, ora 09:39
Shkruani komentin tuaj!
Të fundit nga kjo kategori