Grabitësit e rrethuar në Shkodër arratisen, kapet bashkëpunëtori
Update-Në aksionin policor ku policia mendonte se kishte arrestuar katër persona mësohet se ato kanë arritur të largohen nga apartamenti i rrethuar. Grabitësit që kishin hyrë në banesën e një biznesmeni në Shkodër për të vjedhur kanë mundur të largohen nga banesa.

Policia mendoi se i kishte rrethuar ata në apartamentin e biznesmenit, mirëpo, pasi kanë hyrë brenda apartamentit, policët kanë vënë re se grabitësit ishin larguar.

ndërkohë mësohet se policia e Shkodrës ka arrestuar një 20-vjeçar, i cili mendohet se është bashkëpunëtor i katër grabitësve të banesës së biznesmenit në Shkodër.

13:29-Aksion policor në Shkodër, rrethohen 4 grabitës banesash

Një aksion policor po ndodh mesditën e sotme në Shkodër, ku katër grabitës banesash janë rrethuar nga Forcat e Ndërhyrjes së Shpejtë në një shtëpi në lagjen "Rus".

Sipas burimeve të para, mësohet se Policia ka qëlluar në ajër dhe u ka kërkuar grabitësve që të dalin nga banesa dhe të dorëzohen. Ndërsa mësohet se këta të fundit refuzojnë ta bëjnë një gjë të tillë. Dyshohet se ata janë të armatosur. /albeu.com/



Shtuar më 01/05/2016, ora 14:39
Shkruani komentin tuaj!
Të fundit nga kjo kategori