Aksident tragjik në Pukë, humb jetën zyrtari i njohur shkodran
Një aksident i rëndë ka ndodhur në Pukë ku ka humbur jetën një zyrtar shkodran, drejtori i Inspektoriatit të pyjeve në Shkodër, Mark Ndou.

Ngjarja ka ndodhur në fshatin Bugjon të Pukës rreth orës 14:00, ku mësohet se punonjësit kanë humbur kontrollin e makinës duke dalë nga rruga.

Drejtori, Mark Ndou është nxjerrë nga mjeti dhe është transportuar në Spitalin e Pukës, por nuk ka mundur t’i mbijetojë plagëve të marra ndërkohë që punonjësit ndodhet në gjendje të rëndë te Spitali i Traumës.

Mark Ndou ishte nisur për punë drejt Iballës për inspektim në pyje por ka humbur jetën në aksidentin tragjik.

Ndou prej 7 vitesh ishte në krye të Inspektoratit të Pyjeve, ndërsa më përpara ka qenë edhe anëtar i Këshillit Bashkiak të Shkodrës nën siglën e Partisë Socialiste të Moderuar (PSM).
Shtuar më 25/11/2020, ora 17:00

Shkruani komentin tuaj!
Të fundit nga kjo kategori