Aksident në aksin Burrel-Klos, makina përfundon në humnerë (FOTO LAJM)
Një aksident ka ndodhur ditën e sotme në aksin rrugor Burrel-Klos me pasojë një të plagosur. Burime zyrtare nga policia bëjnë me dije se ngjarja ka ndodhur në vendin e quajtur “Shkambi i kuq”.

Sipas policisë drejtuesi i mjetit tip “Fiat punto”, me targa TR 0207 U, ka humbur kontrollin duke rënë rreth 20 metra, poshtë rrugës.

Drejtuesi i automjetit E.K, 22 vjeç, ka pësuar dëmtime trupore, ku pas ndihmës së marrë në spitalin e Burrelit është transportuar për ndihmë më të specializuar me ambulancë drejt Tiranës dhe ndodhet jashtë rrezikut për jetën.

Mësohet së automjet nuk ka pasur persona të tjerë përveç drejtuesit 22-vjeçar. Grupi hetimor në vendngjarje po heton mbi zbardhjen e plotë të shkaqeve dhe rrethanave të aksidentit./albeu.com/

Shtuar më 19/03/2017, ora 13:25

Shkruani komentin tuaj!
Të fundit nga kjo kategori