AK në Rinas: Panariti të shpallet person ‘non grata’ (FOTO-LAJM)

Aktivistët e Aleancës KuqeZi bllokuan të premten daljen e ministrit të Jashtëm, Edmond Panariti, nga aeroporti “Nënë Tereza” pas mbërritjes së tij nga vizita zyrtare në Athinë.

Duke fëshkëllyer ata bllokuan daljen e ministrit nga sektori “VIP” i aeroportit “Nënë Tereza”, ku dhe hapën banderolën “Edmond Panariti – person ‘non grata’” në Shqipëri. Sekretari Organizativ i Aleancës KuqeZi, Redi Ramaj, gjatë prononcimit për mediat ka lëshuar mesazhe të ashpra kundër rinegocimit të marrëveshjes detare midis Shqipërisë dhe Greqisë si dhe kërkoi që të bëhet publik me çdo kusht procesverbali i bisedimeve të fshehta Panariti-Avramopulos.

“Ministri Panariti poshtëroi flamurin kombëtar dhe simbolet historike shqiptare. Dalja e diplomacisë shqiptare në dhunim të simboleve tona kombëtare me homologët e tyre në Athinë, Shkup dhe Podgoricë nuk është një gabim teknik apo njerëzor, por një mesazh diplomatik gjunjëzimi dhe kapitullimi të qeverisë më antishqiptare të 100 viteve të fundit”, deklaroi Redi Ramaj. /albeu.com/

Shtuar më 05/10/2012, ora 12:43

Shkruani komentin tuaj!
Të fundit nga kjo kategori