Ademi komenton rastin e te denuarve shqiptare te Sopotit
Albeu.com
Zëvendëskryeministri Abdilaqim Ademi i ka hedhur poshtë njoftimet të shtunën për gjoja presionin ndaj Gjykatës së Kumanovës nga ana e Bashkimit Demokratik për Integrim (BDI), lidhur me vendimin ...... për rishqyrtimin e rastit të Sopotit, dhe lirimin e mundshëm të katër prej të dënuarve. Të dënuarit në burgun e Idizovës tashmë kanë marrë vendimin e Gjykatës Themelore të Kumanovës për përsëritje të procedurës nga shkalla e parë dhe mbrojtjen e tyre në liri. Nëse prokuroria nuk reagon ndaj vendimit të Gjykatës së Kumanovës, atëherë sopotasit të hënën pritet të lëshojnë burgun e Idrizovës. Në të kundërtën, nëse Prokuroria reagon, atëherë përsëritjen e procedurës gjyqësore nga shkalla e parë ata do ta presin në burgun e Idrizovës.
“Mendoj se gjykata e Kumanovës ka marrë një vendim të bazuar në faktet e reja të cilat Komisioni anketues në Parlamentin e Maqedonisë i ka grumbulluar dhe i ka dorëzuar deri te organet e drejtësisë. Mendoj që të gjitha këto akuza që bëhen, kinse ka presione ndaj gjyqësorit janë të pabaza sepse sistemi gjyqësor në Maqedoni është vendosur në atë mënyrë që është i pavarur dhe nuk mund të jetë i ndikuar nga partitë politike”, ka thënë sekretari i përgjithshëm i BDI-së Abdilaqim Ademi.
Sipas tij, nuk bëhet fjalë për presion politik, por Gjykata sipas Ademit ka marrë parasysh argumentet dhe faktet e reja që janë prezantuar nga Komisioni anketues parlamentar.
Ademi, shpreson se hapin e gjykatës së Kumanovës do ta përcjellë edhe gjykata e Apelit të Shkupit.
“Me këtë rast bëhet fjalë për fakte të reja, dëshmi të reja të cilat janë të grumbulluar nga Komisioni anketues dhe të cilat gjyqi i Kumanovës i ka marrë parasysh dhe shpresoj që edhe gjykata e Shkupit do ta merrë të njëjtin vendim dhe do t’i ketë parasysh të njëjtat argumente të cilat vlenin edhe për Kumanovën”, ka thënë më tej Ademi. Mbyllja pozitive e rastit të Sopotit inkurajon partinë politike shqiptare në pushtet Bashkimin Demokratik për Integrim (BDI), për finalizimin e tre kërkesave publike karshi partnerit maqedonas VMRO-DPMNE. ka thënë për se së shpejti do të deponohet një nismë te të gjitha partitë politike dhe grupet parlamentare për harmonizim të qëndrimeve për leximin autentik të Ligjit për amnisti. Sipas partisë së Ahmetit së shpejti do të deponohet një nismë te të gjitha partitë politike dhe grupet parlamentare për harmonizim të qëndrimeve për leximin autentik të Ligjit për amnisti. “Ky është një sinjal pozitiv për zgjidhjen e tri kërkesave. Shumë shpejt do të dorëzojmë një nismë te të gjitha subjektet politike dhe grupet parlamentare për të harmonizuar qëndrimet, me çka vlerësojmë se Parlamenti do të miratojë një vendim të tillë ku gjykatat do t’i mbyllin rastet e Hagës”, ka thënë Ademi.
Shtuar më 26/06/2010, ora 19:44
Tage: arkiv

Shkruani komentin tuaj!
Të fundit nga kjo kategori