A solli koronavirusi paqe mes tij dhe Ramës? Përgjigjet Meta
Presidenti Ilir Meta ka folur në lidhje me mbledhjen e Këshillit të Sigurisë, ku bashkë me kryeministrin Rama dhe kryeopozitarin Basha diskutuan në lidhje me përballimin e emergjencës së krijuar nga përhapja e koronavirusit.

Në një intervistë për emisionin “Real Story” në Neës24, Meta u pyet nëse koronavirusi ka shërbyer për të kthyer paqen politike në vend.

Kreu i shtetit u përgjigj se të gjitha forcat janë bashkuar në këto momente vetëm me një qëllim, atë të tejkalimit të situatës.

“Është e domosdoshme në këtë moment paqja e bashkëpunimi. Nga një krizë të shëndetit publik mund të kalojmë në krizë politike etj. Natyrisht të gjitha këto do të përpiqemi t’i tejkalojmë dhe kostot do jenë minimale.

Kjo arrihet duke u sjellë të gjithë në mënyrë të jashtëzakonshme. Të gjithë i kemi bashkuar fuqitë për një qëllim të përbashkët. Kjo situatë do në na bëjë të reflektojmë. Tashmë mund të hapim negociatat dhe kemi disa kushte e këto kushte duan bashkëpunim politik”, tha ai.

Shtuar më 25/03/2020, ora 23:34

Shkruani komentin tuaj!
Të fundit nga kjo kategori