Kombet më të pasura të botës po fokusohen në mënyrën se si të mbajnë të bashkuar koalicionin e mbështetjes për Ukrainën në një kohë kur realisht do të ketë lodhje në popullsi dhe politikanë, thotë Boris Johnson.
Duke folur në samitin e G7, kryeministri i Mbretërisë së Bashkuar tha se gjëja më e pabesueshme në lidhje me mënyrën se si Perëndimi i është përgjigjur pushtimit të Ukrainës nga Putini ka qenë uniteti.
Për të mbrojtur unitetin, udhëheqësit duhet të jenë me të vërtetë të sinqert” në lidhje me implikimet e asaj që po ndodh, dhe ndikimin në kostot e energjisë apo ushqimit apo çfarëdo qoftë, tha Johnson.
Kjo është diçka që ia vlen të “mbrohet së bashku”, parimi që një vend i lirë si Ukraina nuk duhet të pushtohet me dhunë dhe të ndryshohen kufijtë e tij me forcë, shtoi ai.
“Dhe pasojat e asaj që po ndodh, për botën janë të vështira. Por çmimi i tërheqjes, çmimi i lejimit të Putinit të ketë sukses… do të ishte shumë, shumë më i lartë”, tha Johnson./albeu.com
