Edhe të shtunën e të dielën do t'i gëzohemi motit me diell, deri të hënën kur pritet të nisin shirat sërish. Sipas metereologes së MeteoAlb, Adiola Bani temperaturat do të vijojnë në rritje në fundjavë dhe maksimumi do të shkojë në 18 gradë Celsius në zonat perëndimore.

"Territori shqiptar sot paraqitet me kthjellime dhe vranësira kalimtare, më të dukshmë në zonat malore.

Edhe e shtuna vijon në të njëjtat kushte atmosferike. E diela na sjell shpeshtim të vranësirave që në orët e para të mëngjesit, dhe gradualisht vranësirat shtohen në gjithë territorin deri në orët e vona të mbrëmjes por nuk presim reshje.

Përsa i përket temperaturave të ajrit janë rritur sot gjatë mëngjesit, rritja do jetë graduale gjatë masditës duke luhatur vlerat ditore nga 3 gradë në 18 gradë maksimumi në zonat perëndimore.

Edhe temperaturat e fundjavës do vijojnë të mbeten të larta.

Fillim java na sjell rikthim të reshjeve në gjithë territorin shqiptar, fillimisht në zonat veriore dhe gradualisht do përfshijnë gjithë territorin, ku herë pas here do jenë në formë rrebeshi. Fillim-java na sjell rënie graduale të vlerave termike"