Një aksident ka ndodhur ditën e sotme në minierën e Bulqizës.
Shkak dyshohet se është bërë shpërthimi i gazit ndërsa ngjarja ndodhi në nivelin e 17-të të minierës.
Si pasojë kanë mbetur të plagosur tre minatorët Rrahim Karaj, Asllan Çakalli dhe Trifon Snalla.
Minatorët kanë pësuar djegie të rënda të gradës së tretë. Ata janë nisur me urgjencë drejt Tiranës, për mjekim më të specializuar.
Fillimisht punëtorët janë dërguar në spitalin e Bulqizës për të marrë ndihmën e parë, por për shkak të gjendjes së tyre të rënduar janë nisur me urgjencë drejt Tiranës./Albeu.com/
