Për shkak të reshjeve të dëborës, dëmtime të shumta kanë pësuar edhe këmbësorët, të cilët kanë rrëshqitur në tokë si pasojë e ngricës.

Deri më tani, nga rrëshqitjet në borë janë regjistruar 76 raste në spitalin e Traumës, shkruan “balkanweb”.

Profesor Agron Dogjani bën me dije se nga 10 të shtruarit në spital, 2 janë me fraktura në kokë.

"Kryesisht të lënduarit kanë fraktura në këmbë dhe rreth 90% e tyre janë të moshës mbi 40 vjeç.

10% e incidenteve kanë ndodhur jashtë qarkut të Tiranës", tha ai. Gjithashtu Dogjani bën me dije se është dyfishuar personeli në gatishmëri të të lënduarve në këto ditë të ftohta. /albeu.com/