6 të vdekur! Mes të lënduarëve edhe shqiptarë, tmerri që la pas stuhia në Greqi (FOTO LAJM)

Një tragjedi ka ndodhur mbrëmjen e kaluar në Greqi, për shkak të motit të tmerrshëm, që përfshiu vendin fqinj.

Gjashtë turistë, mes të cilëve edhe dy fëmijë 8 e 2 vjeç, kanë humbur jetën në gadishullin Halkidiki, si dhe qindra të tjerë mbetën të plagosur, mes të cilëve edhe shqiptarë.

Mediat fqinje kanë publikuar pamje nga stuhia e madhe, që tregon momentet e tmerrshme të tornados, por edhe pasojat e saj.

Siç mund të shihet në videot dhe fotot e mëposhtme, nga erërat e fuqishme dhe rrebeshet e shiut janë shkulur pemë, shtëpi e dyqane, janë përmbysur makina, si dhe janë rrëzuar shtylla elektrike, duke lënë vendin pa energji.

Kujtojmë që gadishulli i Halkidikit është një ndër destinacionet e preferuara edhe për shqiptarët, por fatmirësisht nuk raportohet për viktima shqiptare. Turistët që kanë humbur jetën janë rusë dhe çekë.
Shtuar më 11/07/2019, ora 10:34
Shkruani komentin tuaj!
Të fundit nga kjo kategori