39 të vdekur nga gripi i derrit në Greqi, këtu thonë që s'ka vend për alarm
39 persona kanë ndërruar jetën në Greqi për shkak të gripit të derrit.

Mediat greke raportojnë se mes të vdekurve janë edhe dy fëmijë, ndërsa deri më tani janë konfirmuar më shumë se 165 raste të dyshuara për këtë virus, të cilët po mbahen nën vëzhgim të rreptë nga mjekët në spitale të ndryshme të vendit.

Kjo ka qenë java më e zezë në lidhje me numrin e të vdekurve duke treguar kështu që intensiteti i përhapjes së virusit është i lartë dhe përbën shumë rrezik kryesisht për të moshuarit, ata që kanë probleme me sistemin e frymëmarrjes si edhe fëmijët.

Ndërkohë, që Greqia është në alarm, në Shqipëri kanë futur një mendje të lehtë duke thënë se janë shpërndarë vaksina dhe çdo gjë është nën kontroll.

Ky është versioni i Ministrisë së Shëndetësisë, megjithëse deri më tani kanë ndërruar jetë tre persona nga "gripi i derrit". /albeu.com/
Shtuar më 07/02/2019, ora 15:39
Shkruani komentin tuaj!
Të fundit nga kjo kategori