Deputetët demokratë të Komisionit Hetimor për inceneratorët, sot kanë qenë në Fier dhe kanë inspektuar nga afër për të mbledhur prova hetimore.
Dhurata Çupi është shprehur se, objekti i komisionit hetimor ka qenë ndjekja e procedurave ligjore, kontrata koncesionare, si kanë kaluar 28 milionë euro nga buxheti i shtetit te koncesionari.
“Objekti nuk punon, nuk është funksional. Depozita e mbetjeve është bosh. Kontrata është lidhur në 2016, duhet të përfundonte në 2019 dhe jemi në 2022. Shikoni, po përpunohet sot. Verifikohet qartë ajo që ka denoncuar opozita”, tha Çupi.
