Tre gjyqtarët e Apelit të Durrësit dënohen me 3 vite burg pasi dhanë vendim në favor të Namik Sadikut. Treshja e drejtësisë do të vuajë vetëm 2 vite për shkak të gjykimit të shkurtuar.

Tre gjyqtarët e Apelit të Durrësit, Klinton Spahiu Petraq Dhimitri dhe Petrit Çeno janë dënuar nga gjykata e Durrësit me 3 vite burg për shkak të shpërdorimit të detyrës dhe korrupsionit pasi dhanë një vendim në favor të biznesmenit Namik Sadiku.

Ky i fundit është dënuar me 1 vit burg nga gjykata për korrupsion aktiv pasi u pagoi biletat 3 gjyqtarëve të çështjes së tij për një ndeshje ‘El Classico’ në Spanjë.