Janë zbardhur detaje të reja nga shpërthimi në një dyqan servisi në Tiranë.

Policia ka vënë në pranga pronarin e servisit Gentian Hoxha i cili mbeti i lënduar rëndë nga shpërthimi.

Nga shpërthimi ai humbi gishtat e duarve dhe ka dëmtime të shumta në sy.

Shpërthimi i fuqishëm që shkaktoi 3 të lënduar, ndodhi për shkak se i arrestuari Hoxha po montonte mina në celularë.

Policia bën me dije se shtetasi në fjalë, Gentian Hoxha, prodhonte mina me celularë dhe një të tillë e shiste për 2 mijë euro.

Ngjarja ka ndodhur rreth orës 11.00, pranë Institutit të Higjenës, ndërsa Hoxha e kishte mbyllur nga brenda derën e dyqanit.

Pas shpërthimit, policia ushtroi një aksion për kontrolle në zonën e "Ali Demit", ku mendohet se janë larguar edhe pjestarët e tjerë të rrjetit që mendohet se merrej me prodhimin dhe shitjen e minave të telekomanduara me celular. /albeu.com/