17 muaj i humbur, gjendet pas zhdukjes misterioze trupi i 36-vjeçarit shqiptar
Pas më shumë se 17 muajsh, është gjetur trupi i 36-vjeçarit shqiptar Leart Beqiraj.

Mediat greke bëjnë të ditur se trupi i tij është gjetur tre ditë më parë në Andro.

Leart Beqiraj u zhduk rreth 17 muaj më parë, më 10 Prill të vitit 2019.

Pë zhdukjen e tij mediat e huaja raportuan se ai mund të kishte rënë në det, midis Tinos dhe Andros.

Sipas mediave greke, një ditë pas zhdukjes së Laertit, i cili kishte hipur në bordin e një anijeje rrugës nga Rafina për në Mykonos, u hodhën dyshime se mund të kishte rënë në det dhe ishte mbytur.

Laerti punonte ne dy-tre punë për të mbajtur familjen dhe prindërit e tij.

Ai nuk kishte probleme me të tjerë, apo me autoritetet vendore.

Por mbetet enigmë fakti sesi 36-vjeçari shqiptar mori një udhëtim të papritur dhe pa i thënë gjë familjes së tij, në drejtim të ishullit të famshëm Mykonos, për të punuar.

Rrethanat e zhdukjes si dhe gjetjes së trupit të tij mbeten ende të paqarta.
Shtuar më 25/09/2020, ora 18:56

Shkruani komentin tuaj!
Të fundit nga kjo kategori