Ka humbur jetën një shtetase moldave që u qëllua me thikë në banesën e saj nga një shqiptar.

Ngjarja ka ndodhur më 3 shtator, ku Aliona Oleinic u godit nga 27-vjeçari shqiptar, Roland Bushi dhe pas kësaj iu nënshtrua 6 ndërhyrjeve kirurgjikale por nuk mundi ti shpëtojë plagëve të rënda

Mësohet se në mbi trupin e viktimës do të kryhet autopsia, e cila do të vihet në dispozicion të procedurave hetimore.

Roland Bushi, shqiptari që goditi me thikë një grua moldave më datë 3 Shtator të këtij viti në Chietti të Italisë, sipas Policisë ishin njohur me shtetasen moldave në rrjete sociale dhe kishin krijuar lidhje së bashku.

Bushi, i marrë në pyetje në hetuesi ka deklaruar se e ka goditur moldaven me mjet prerës për shkak se ndihej xheloz për të.