Pavarësia dhe Çlirimi, PD homazhe në Varrezat e Dëshmorëve
Partia Demokratike ka zhvilluar sot homazhe në Varrezat e Dëshmorëve duke kremtuar në një ditë festën e Pavarësisë dhe të Çlirimit. Kreu i PD-së Lulzim Basha dhe grupi parlamentar demokrat kanë vendosur kurora me lule në monumentin “Nënë Shqipëri”.

Në një prononcim për mediat Basha u shpreh se 28 Nëntori përveçse një ditë përkujtimi për dëshmorët është edhe një ditë reflektimi për vendimarrësit në mënyrë që ata të marrin vendimet e duhura.


“Në këtë ditë të shënuar të kombit tonë 28 Nëntorin ku ne festojmë ngritjen e Flamurit dhe të Pavarësisë dhe është detyrimi ynë që ta nisim këtë ditë me krenarinë e thellë para atyre mijëra e mijëra dëshmorëve dhe të rënëve që u flijuan në shekuj për ditën e madhe të pavarësisë, që u flijuan për bashkim kombëtar. Sot kujtojmë këta martirë veprën e tyre, sakrificën sublime që i shërbyen kombit për të mbetur të pavdekshëm. Kujtojmë babain e pavarësisë Ismail Qemali dhe gjithë bashkëpunëtorët e tij që 101 vjet më parë ia dolën të dështojnë projektet për asgjesimin e popullit shqiptar. Kujtojmë sakrificën e mijëra dëshmorëve të luftës që dhanë jetën për çlirimin e Shqipërisë dhe për rrugëtimin e tyre drejt lirisë dhe demokracisë. Kujtojmë bijtë e shqipes, në Kosovë, Preshevë, Maqedoni që dhanë jetën për të drejtat e shqiptarëve në trojet e tyre” tha Basha. /albeu.com/
Shtuar më 28/11/2013, ora 11:53

Shkruani komentin tuaj!
Të fundit nga kjo kategori