Mogherini: Statusi për Shqipërinë, njohje e rezultateve të reformave
Ministrja e Jashtme e Italisë, Federica Mogherini u shpreh sot gjatë punimeve të Këshillit të Ministrave të Jashtëm të vendeve anëtare të Nismës së Europës Qëndrore (CEI), që zhvillohet në Vjenë se statusi kandidat për Shqipërinë do të ishte njohje e drejtë e rezultateve të reformave të ndërmarra.


“Shpresojmë që në qershor Këshilli i Evropës të vendosë pro Shqipërisë për dhënien e statusit kandidat. Do të ishte njohja e duhur e reformave dhe vullnetit politik të qeverisë për të shkuar përpara me bindje në rrugën e reformave. Përpara këtij vullneti do të duhet një besueshmëri e BE-së, që të pranojë hapat përpara që po bëhen dhe t’i inkurajojë ato. Integrimi evropian i vendeve të Ballkanit Perëndimor është një interes themelor jo vetëm i rajonit, por edhe i Bashkimit Evropian. Eshtë mënyra për ruajtjen e sigurisë, stabilitetit, rritjes ekonomike dhe marrëdhënieve ekonomiko-tregtare në rajonin e Ballkanit Perëndimor, që do të thotë edhe në pjesën tjetër të Bashkimit Evropian”, - theksoi ministrja e Jashtme e Italisë. /albeu.com/
Shtuar më 03/06/2014, ora 17:56

Shkruani komentin tuaj!
Të fundit nga kjo kategori